कर्पोरेट पत्रिका
आइतबार, फाल्गुन १५, २०७८
एमजी (मोरिस ग्यारेज) मोटर्सको नयाँ विद्युतीय गाडी ‘एमजी जेडएस इभी २०२२’ नेपाली बजारमा सार्वजनिक भएको छ ।
नेपालमा एमजीको आधिकारिक वितरक कम्पनी पारामाउन्ट मोर्टस प्रालिले सो गाडी आज सार्वजनिक गरेको हो । स्ट्यान्डर्ड र लङ रेन्ज गरी दुई भेरियन्टमा उपलब्ध यो कारमा दुईवटा ब्याट्री प्याकका विकल्प छन् ।
एउटा भेरियन्ट ३१९ किमीसम्म गुड्ने ५१.५ किलोवाट प्रति घन्टाको ब्याट्री प्याकमा उपलब्ध छ भने ४४० किमीसम्म गुड्ने ७२.६ किलोवाट प्रति घन्टाको ब्याट्री प्याकमा अर्को भेरियन्ट उपलब्ध छ ।
एमजी जेडएस इभी २०२२ मा नयाँ डेकोरेसन र अपडेट सहित १०.१ इन्चको टचस्क्रिन इन्फोटेनमेन्ट प्रणाली, ७ इन्चको डिजिटल ड्राइभर डिस्प्ले सहित रोटरी डायल गियर नब, ड्राइभिङ मोड, ब्रेकिङ रिजेनेरेसन (ब्रेक लगाउँदा ब्याट्री रिचार्ज हुने) लगायतका फिचर उपलब्ध छन् ।
साथै एमजी पाइलट नाम दिइएको अटोम्याटिक इमर्जेन्सी ब्रेकिङ सहितको एडभान्स ड्राइभर असिस्टेन्ट सिस्टम पनि उपलब्ध छ । यो गाडी ८.५ सेकेन्डमा १०० किमी प्रति घन्टा गुड्नसक्ने कम्पनीको दाबी छ ।
त्यस्तै यसमा पावर्ड ड्राईभर सिट, अटोमेटिक हेडलाइन र वाइपर, कनेक्टेड कार टेक्नोलोजी, ६ वटा एयरब्याग, हिल स्टार्ट, डिसेन्ट कन्ट्रोल अल-ह्वील डिस्क ब्रेक, टायर प्रेसर मोनिटरिङ सिस्टम र इलेक्ट्रोनिक स्ट्याबिलिटी लगायतका फिचर पनि उपलब्ध छन् ।
