कर्पोरेट पत्रिका
शनिबार, भदौ ४, २०७९
२०२४ साल असार २० गते धादिङ जिल्लाको डान्सिङ भन्ने ठाउँमा जन्मनु भएका डाक्टर राजेन्द्र के.सी. हाल साउथ वेस्टर्न स्टेट कलेज बसुन्धाराको क्याम्पस प्रमुख हुनुहुन्छ । बाल्यकालमा एक्दमै चन्चले स्वभावका डाक्टर केसी सानै देखी केहि गर्नुपर्छ भन्ने सोच लिएर अगाडी बढ्नुभयो । सामान्य किसान परिवारमा जन्मी गाउँकै बिद्यालयबाट प्रारम्भिक शिक्षा आर्जन गरी, उच्च शिक्षा हासिल गर्न काठमाडौं आई, बिभिन्न संस्थाहरुमा काम गर्दै पढ्दै बिभिन्न किसिमका अनुभवहरु सङ्गाल्दै अमेरिकाबाट पी.एच.डी. समेत गर्नुभएको छ । नेपाल पी.एच.डी. एसोसियसनका संस्थापक अध्यक्ष समेत रहनु भएका डाक्टर केसी हाल आधा दर्जन भन्दा बढी संस्था हरुमा आबद्ध हुनुहुन्छ ।
